Para rawuh ingkang minulya…..
Allah Ta’ala sampun paring dawuh dateng
al-Quran surat al-Hasyr ayat 18-20 ingkang surasanipun :
يَا أَيُّهَا الَّذِينَ آَمَنُوا اتَّقُوا اللَّهَ
وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ
بِمَا تَعْمَلُونَ (18) وَلَا تَكُونُوا كَالَّذِينَ نَسُوا اللَّهَ فَأَنْسَاهُمْ
أَنْفُسَهُمْ أُولَئِكَ هُمُ الْفَاسِقُونَ (19) لَا يَسْتَوِي أَصْحَابُ النَّارِ
وَأَصْحَابُ الْجَنَّةِ أَصْحَابُ الْجَنَّةِ هُمُ الْفَائِزُونَ (20)
Artosipun: “Hai wong-wong kang pada iman,
wedia sira kabeh marang Allah, becik awak-awakan ningali amal kang wus kelaku
kanggo wektu sesuk lan wedia sira kabeh marang Allah. Setuhune Allah itu Maha
Ngudaweni Kelawan apa kang sira agawe”.
Para rawuh ingkang minulya…..
Ingdalem siji wekdal, Rasulullah dipun dugeni
wontenipun setunggal kaum, inggih punika kaum Mudlar, kaum ingkang miskin lan
tuna banda dunya. Tanpa terompah lan busana kanti nyandang gaman. Lajeng
Rasulullah rumaos prihatin ingdalem kemiskinanipun kaum kala wau. Selajengipun
Rasulullah ngutus Bilal ngawiti azan lan ngleksanaaken salat jamaah. Sak
sampunipun ngleksanaaken salat jama’ah lajeng Rasulullah paring dawuh kanti
nyebataken ayat “Yaa ayyuhan naasut taquu rabbakumul ladzii khalagakum min
nafsin waahidatin… Lajeng panjenenganipun nyebat ayat punika: “Wal
tanzhur nafsun maa qaddamat li ghadin" kalian paring dawuh :”becik sedekah wong
lanag saka dinar, dirham, kain utawi gandum lan kurmanipun. Lan sedekaha sira
senajan sak cuil kurma”.
Saking dawuh punika, salah setunggalipun
sahabat Ansar ngijabahi dawuhipun kanjeng Nabi kanti nyerahaken pinten-pinten
bahan pangan sahingga ketingal rekasa saking abotipun gawan kala wau. Lajeng
Rasulullah ketingal raos suka manahipun anggenipun paring dawuh dipun pahami
lan dipun laksanaaken kalian sahabat kanti wajah ingkang sumringah tanda
legawa.
Para rawuh ingkang minulya…..
Ayat punika dipun wiwiti kalian lafadz Ya
ayuhaladziina amanu, hai wong-wong kang pada iman. Iman ingdalem makna lafadhipun
dipun maknani tiyang ingkang ngandel. Ngandel mbok bilih dipun paringi dawuh.
Ingdalem kasunyatanipun para sahabat dipun citra tiyang ingkang kathah
ngandele. Sami kalian reaksinipun sahabat Ansar ingkang cancut tali wondo
angenipun nampi dawuh saking Rasulullah SAW ingdalem kawontenan kathah tiyang
ingkang sami nulayani wontenipun dawuh saking pituduhipun agami. Ingdalem ayat
selajengipun persifatan menika dipun wastani tiyang ingkang fasik. Tiyang fasik
kalebet golonganipun tiyang munafiq.
Para rawuh ingkang minulya…..
Allah Ta’ala nyebataken mbok bilih sak
derengipun nyandak masalah ingkang berhubungan kalian tumindak cawis-cawis
dinten ngajeng tansah dipun uba rampi kalian perintah ketaqwaan. Ketaqwaan
ingkang pertama - mungguhipun Imam al Mawardi dateng Tafsir al-Nukat wa al-Uyun
– mertelaaken mbok bilih penyebutan Ittaqullah ingkang pertama anggadahi
makna taubat dumateng dosa ingkang sampun kalampah. Artosipun ingdalem
cawis-cawis amal ingkang dipun uri-uri dateng sangu mlebet alam akhirat perlu
wontenipun usaha. Mbok bilih cawis-cawis amal punika mboten dipun wiwiti taubat
ingdalem maknanipun kita taksih dereng anggadahi tekad nglampahi kebagusan
kanti total. Ateges taksih dereng anggadahi kesanggupan ninggal perkawis awon
sesandingan kalian amal ingkang sae. Menika ingkang dipun rupi kelawan sifat
kemunafikan. Nglampahi kebagusan ananging sregep agawe catu lan agawe ala
sesarengan. Indalem ilmu itung-itungan tiyang kala wau tasik nglampahi
pengawenipun tiyang dol-tinuku. Ateges bathi dol tinukunipun sareng kaliyan ruginipun.
Mbok bilih bathinipun nglangkungi rugi, hasilipun modal dateng alam akhirat taksih
dipun wastani kirang kathah. Sak wangsulipun mbok bilih rugi langkung ageng
tinimbang bathi menika dipun wastani bangkrut alias mboten wonten modal sowan
dumateng ngarsanipun Allah SWT.
Ananging mbok bilih, amal punika dipun
lantari wontenipun taubat ingdalem wiwitanipun, berarti sedaya amal punika
mboten wonten itungan untung ruginipun ateges itungan keuntungan tansah manggen
dateng modal plus tanpa minus, keranten taubat dipun wastani tekad mboten
bakal bali dateng amal awon alias kerugian.
Para rawuh ingkang minulya…..
Saksampunipun taubat, mangka kita nyawisaken
amal dados modal sowan dateng ngarsanipun Allah SWT. becik awak-awakan
ningali amal kang wus kelaku kanggo wektu temburine. Keranten taubat mboten
bali dateng amal awon, ateges punika nuduhaken wontenipun ganjaran ingkang utuh
ingkang mboten dipun kirangi kalian amal ala. Menika ingkang dipun surasani
taqwa ingkang pertama. Selajengipun taqwa piyambak anggadahi makna kalih inggih
punika nebihi dateng golongan munafik lan wedi dateng barang syubhat.
Para rawuh ingkang minulya…..
Ketaqwaan dipun maknani nebihi dateng
tiyang munafiq anggadahi makna mbok bilih sifat kemunafikan menika nyidra
dateng amal sae kita sedaya. Tiyang munafik ingkang dateng al-Quran dipun sebat
fasik angadahi makna ingkang sami. Ateges kekancan dateng tiyang munafik
sami kaliyan ngrusak modal amal kesaenan kita sedaya. Lajeng sinten tiyang
munafik ingkang dipun sebat kanti lafadz fasiqun menika. Ayat 19 saking al-Hasyr
punika paring pituduh mbok bilih tiyang munafik menika tiyang ingkang mboten
nggugu dateng wontenipun pituduh saking gusti Allah alias berusaha nglaliaken
wontenipun Allah lan ajaranipun. Ingdalem kaya-kaya sedaya perkawis ingkang
wonten dunya menika mboten wonten tetenger halal-haramipun. Lajeng aji
mumpung dipun anggep mubah utawi mboten nulayani dateng hukumipun
ingkang cetha. Menika dipun wastani mlebet dateng panggenan syubhat.
Panggenan syubhat biasanipun dipun dadosaken pembenar kemubahanipun
keranten mboten dipun sebataken dateng hukum ingkang pertela.
Para rawuh ingkang minulya…..
Ingdalem perilaku kemasyarakatan, sifat
kemunafikan dadosaken rucahipun saka agami ingkang kiat. Mbok bilih perilaku
masyarakat kathah dipengaruhi sifat kasebat, mangka bakal wonten ciri ingkang
cetha. Inggih punika, wontenipun perilaku sae lan awon kalampah sesarengan.
Masyarakat dipun pimpin kaliyan ulama’ picik ingdalem kawontenan sanes,
masyarakat larut dateng kepicikan punika. Mboten wonten wates ingkang pertela
antawis perkawis sae lan awon. Langkung-langkung perilaku tiyang ingkang
beriman. Ingkang wonten namung demen dunya, pangkat lan samubarang ingkang
mawujud ingdalem situasi kepenguasaan. Masyarakat menika dipun wastani ashabun
nar, masyarakat ingkang tebih pituduh. Masyarakat ingkang celak cilaka lan
tebih saking ridaning Gusti.
Para rawuh ingkang minulya…..
Indalem cethanipun perbedaan antawis ashabun
nar lan ashabul jannah, mangka ayat kala wau ingalem sejatos paring penjelasan
mbok bilih ya ayyuhalladzi amanu kalebet dateng masyarakat ingkang dipun
semoyo kanthi suwargo, inggih punika tiyang ingkang beriman. Sak wangsulipun Ulaikahumul
Fasikun menika tansah dipun wastani masyarakat ingkang dipun gadang
pinanggih murkaning Allah inggih punika neraka.
Para rawuh ingkang minulya…..
Mangga kita sedaya tansah menetapkan pilihan,
milih dateng persifatan masyarakat ingkang dipun ridani Allah kanti asma Ashabul
Jannah. Masyarakat ingkang dipun semoyo wilujeng dunya dumugi akhirat.
Tidak ada komentar:
Posting Komentar